قصيدة : قصيدة شعر جديدة.. مسابقة الشعر العامي بقلم / هالة رفعت جاب

هالة رفعت جاب
جمهورية مصر العربية

https://www.facebook.com/profile.php?id=100009276019219&mibextid=ZbWKwL

.#قصيدة شعر جديدة

وانا ايه يضمن لي انك فارس بحصان مسحور
بيشق سكون الليل بالنور
عاشق متدروش او ساحر
يعشق تنْهِيدُه
مكسوف من آخر حرف بيتدارى بين اى سطور
سكر احلامك مابيوفيش
راسم تغريبه لأيامي في نهار العيد
بيوزع فرح
وشوق وشعور
على كل حيطان قلبي المكسور
إنده بشويش
شاور على كل خلايا الروح
أنا كل ما انام
تفتح شبابيك
على كل غيطان قلبى المبدور
من ورد الروح
سكر أحلامك مابيشفيش
اسقيني قصايد شعرك ضي
ارسمني بخط الايد
في كتابك نور
خلي الألوان الزاهية بعيد
بتبان تجاعيد
وانا لسه في عز صبايا برئ
بهديلك شعر
مكتوب بشغاف قلبى البللور
خبيني تحت رموش الشوق
مش عايزه افوق
ف القاني بشد قميصك خوف
ترتد بصير
اكتبني قصيدة شعر جديده
لو حتى بوزن يبان مكسور
خبيني جوه عيونك ليل
أنا قلبي دليل
والشوق بيبان من تحت مسام الأرض البور
اقفل شبابيكك
‏ده براحك نافد مابيضويش
‏وانا لسه يادوب بتهجى حروف
‏ واكتبها كلام
يرفعنى بسحره يعدى السور