أصبحت بغيب عنك علشان
بُعدك كفرني بالمسافات
وإن دليل القرب الشوف
وآمنت إن مكانك قلبي
أنا روحي ملضومه بروحك
وفي أي مكان حواليك بتطوف
ويحج القلب لحد هناك
يمكن عندك
أو عندي جوايا في مكان
شيلاك فيه صورة في نن العين
عارفاك عمري المتعبي بسنين عمرك
شايفاك شعري.. حفظاك شعرك
أنا بشبه جداً لملامحك
وبيشبه قلبك للناي
وأنا قلبي “كمان”
عشت بتعزف أوجاعك شعر
وبترسمني في عمرك ضي
ولذلك فيه قصيده باسمي
قولتلي فيها إن أنا بكره
وإن أنا شبر في بدنك حي
كان قلبي يا دوب طفل بيحبي
مش خايف من بكره الجاي
شاب فجأه في بعدك واتحول لقصيده نشاز
و “كمان” اتحول فجأه لـ”ناي”
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
