الاسم../زينب عبدالله محمد عبدالوهاب
اسم الشهرة../زينب عبدالوهاب
جمهورية مصر العربية
محافظة القليوبية
ايميل الفيسبوك../
Zainab Abdelwhab
الشعر../شعر عامي
قصيدة
**قلت يابا **
ليه يابويا كل حـــاجه حلمنا بيها أتأخرت
گنا لمه وفينا همة…. بس قسمة اتقدرت
الأمـــان كـــان محتمل
والأمـــــل فيـــــنا اكتــمل
شفنا بكره بألف فكرة….
وكل شــــئ فينا اتبــــدل
*
لــيه سنيننـــا اتغـــيرت
فين مامـــرت مــررت
والغصــون اتكــسرت
قــولي ايه يابا العمل
*
قلت يابا :- اوعي تعلني شكوتك
قلت يابا:- اوعي تنــزل دمــعتك
لو جراحــــك بـــس بــــــاقية
لو تعيشي تور ف ساقية
لو مكانك مــش مــــــكانك
اوعي يكـــــسرك الـمــــــلل
*
قلت يابا
وشفت كل اللــي انت قلــته
واللـــي خـــــفت علـــيا مــــنه
في الزمـان ده كتير قابلته
عشت يابا وشفت يابا
تعبت ياباوتهت يابا….
همــي شـــلته و دمعـــي زلته
وجــرحي من الايام قبلته…
ولســه يابا جدوري شايلة
ومن زمـــــــان بنتك جـــــمل
*
أه يابويا ع اللي ماســك جمــر حقه
فــــوق ســـــنين الشــــــــوك
صــــدره الصــــــــبر شقه
لولا صوتك حــامي روحي
ذكري بتـــــــبرد جــروحــــي
يكفي اسمك وسط بوحي
يحيــــي ف القلب الأمـــل
******************#
