الاسم نجوى عبد النور نجيب مصرى
أسم الشهرة نجوى المصرى
القصيدة شعر عامية
اسم القصيدة قميص يوسف
(قميص يوسف)
يوسف وبيرُه وحلم فِ منام
قميصه الملون عليه السلام
بفعل الديابة بينطق كلام
وديبُه اللي غايب
يقول للحبايب
دي غايبة في قلوبكم معانى السلام
وبيرك ماكنش بيحمل في مية
وفايض لآخره بفيض الظلام
وسِلسال أبوك بيحكي ان اِبنه..
يوسف، بيمسك ويحكم زمام
يا هايم في حبك كل الأنام
قميصك يا يوسف يحزّن أبوك
وعميت عيونه عليك لما خاف
و قسوة أخوك اللي قلبه بيشبه ..
سنين المجاعة التقيلة العجاف
وشبع بطونا اللي نامت خفاف
وغمّسنا قمحك ببركة بلادك
زكايب محبة، ولا كاتش حاف
قميصك يا يوسف بيغرق في دمك
بقى ابيض ف عرسك في ليلة الزفاف
فكم منا يوسف ومسجون في حلمه!
وكم منا يوسف بينسى الخلاف!
وكم منا يوسف بيلبس في تاجه
وخاف م الخطيئة ومن ربه خاف
وكم منا يوسف يصون الخزائن
وكم منا يوسف يصون العفاف
يانوح لو سفينتك بتهزم طوفانك
ف يوسف سجد له ملوكها العتاه
وكان أقوى وسط النفوس الضعاف
ولو كان نبيه في بطن الحيتان
يوسف في بيره وعمره ما خاف
ولو شق موسى البحار العنيدة
بقلبك يا يوسف تشق الجفاف
فتح عيونك يا يعقوب وسمَّى
على قلب يوسف و أروع فؤاد
كفك يا يوسف وثيقة سلام
ومنجل بيحصد في وقت الحصاد
نصرك يا يوسف من غير جياد
ومن غير مظاهر بتعلن حداد
ومن غير حراسة بتحمي البلاط
ومن غير ماتاخد تزود في زاد
يا كل الملوك.. يا أعتى العتاه
قمصيك يا يوسف دا كلمة حياة
وديبك بيشرب فِ دم الغلابة
وينهش في غابة ويطمع في جاه
فارموا العصاية وبصوا لقطيعوا
فكم منها ضايع وكم منها تاه!
أنا حى لكن..
في دنيا وعايش
و من غير حياة
