ط
الشعر والأدب

قصيدة .كان عيش وملح .. للشاعر / عونى هشام

كان عيش وملح
============ عونى هشام
هو ملح بس خالى
ومفيش بواقى
لاى عيش
اصل ظله
كان خيالى
والليالى سوادها
متغلف بخيش
اللى راح راح وعدى
وساب جراح
ما تنتهيش
والدوا معاده عدى
واللى غطى
انه بفساده ماتلاقيش
يبقى ايه بس اللى باقى
حتى السواقى
الميه غارت منها
او يمكن مفيش
كل حاجه فى الزمن ده
بالف وش وكله غش
ماينتهيش
ياما غنينا لورده واسمهان
كان زمان
ام كلثوم
ليها حفله ما تتنسيش
فكرونى وحيرونى
ع الزمان دا.
فى ناس كتير ما تستحيش
كله بيخبط فى كله
والحروف الوانها ياما
ومتداريش
حرف متدارى فى سطر
وسطر جوه كتاب كبير
مابيتقريش
احنا فين
احنا مين
س وس ؟
وج وج !!
ناس تطبل غيرها يرقص
ناس تولع نار بفتنه
ما تنتهيش
اه صحيح
احنا بشر؟ طبعا بشر
وفينا ياما كتير عبر
والعبره واضحه
ما تتقريش
ولسه باقى شويه ملح
بس انا مش لاقى عيش ؟؟
————
#عونى_هشام

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى