قصيدة : كرسي متحرك .مسابقة الشعر العامى . بقلم / إبراهيم عياد توفيق

الإسم / إبراهيم عياد توفيق
البلد / مصر
رقم الهاتف والواتس / 01200585703
رابط صفحة الفيس بوك https://www.facebook.com/ibrahim.ayad.146
فئة الشعر العامي
( عنوان القصيده ( كرسي متحرك
شظايا المعامله وقلبي المُصاب ..
وجُرعة تحمُل بطعم الخجل ..
عجوز منطقتنا بجتة شباب ..
وجسمي الفيراري بيمشي بعجَل ..
قالولي اللي مُقعد يُسمي مُعاق ..
قالولي اللي حبت شبابك بصحه ..
هيصعب عليها تكمل معاك ..
تصدق ماملتش يوم م الجلوس ..
وكُرسيا كانلي شريعة وفرض ..
ثبات انفعالي بطعم الكابوس ..
بدوس ف اكتئابي ومادوستش ف ارض ..
وتتكر روحي وتنزل ف حجري ..
ف بلعن ف عجزي وبخرج جريح ..
وبحسد ف دمي لانه بيجري ..
ويرجع يداعب ف قلبي الصفيح ..
يدلدق عيال تحت كل الكنب ..
اكون اول اللي بيجروا بشغف ..
وطفل ولكنه بدقن وشنب ..
معلق طفولته ف ضي النجف ..
انا الاختلاف اللي كان ف الصور ..
وآخر دخول جوه ارض السبق ..
واول أثاث حي جوه البيوت ..
لاعبت ف طموحي حدفني ب كور ..
وقالي ببساطه هتقدر تشوت ؟؟
فردت ف ايديا فشوفت الخطوط ..
تزغزغ مسامي بخفه وامل ..
مفيش حد مخلوق وفجأه اكتمل ..
ولو ع الشروخ اللي بانت ف جلدي ..
مفيش ادني مانع تبان الشروخ ..
ومؤمن بان التجارب كباري ..
بتلضُم ف ذاتي وتخرج حياه ..
ومُقعد ولكن بلف الحواري ..
واعبي ف قزايز كلام المُشاه ..
وبحصُد جوايز ..
ف مارثون
( رضا الي ما لا نهايه ) ..
واما عن شقوق قلبي ف جايز ..

دي طقت حلايه ..