ط
مسابقة الشعر العامى

قصيدة : كلام موزون . مسابقة الشعر العامي بقلم / محمد البياع

خاص بمسابقه شعر العامية

الإسم/محمد السيد عطية البياع

جمهوريه مصر العربيه

محافظه الغربيه

اسم الشهرة/محمد البياع

لينك الصفحة https://www.facebook.com/mohammed.elbayaa.5

رقم التليفون/01011615464

رقم الواتس ٱب/01011615464

عنوان القصيدة/(كلام موزون)

عمر الجلابية الكشمير

مابتلضم خيط موصول

هاتطير مع أول نوة ف أمشير

وتعري الجتة المدهونة هدوم

والتوب لو خيش

إنما بأصول

هايثبت نفسه ف متراس مدقوق

ووشوش الناس زي التفاح

فيه وش محمر نفسه كما البطيخ

والطعم كأنه خيار منقوع

وفي وش عجوز إنما معسول

وفي وش بينقع ويبقع

زي الخيش المبلول

وفي وش يشدك وتروحله الروح

وفي وش مموع في ملامحه

لا هو أحمر ولا أخضر ولا أصفر

زي إبن سلول

وفي وش يهزك من هيبته

وتخربش وشه عشان تقرا

تلقاه دلدول

وجنيه ممسوح

وفي وش جميل

الطعم عسل واللون الله

أصل إبن أصول مؤمن بالله

النخل إن مال ؟

مايميل ……

هايرد ويرجع زنهار

ويأكل كل الناس من تمر وخير

والشوك لو بين رجليك عديه

السكه الحلوة ف راس الغيط

لو ناوي تعدي الأذى عديه

لو ناوي تقيل جنب الشوك

يبقى إنت عبيط

الحد الفاصل بين الجار والجار

حد الجنة وحد النار

هاتحف ف جارك وتعبي تراب ؟

اشرب من كاس متحلي عذاب

لو فاهم أن المسروق هايعلي الدار

يبقى انت حمار

الراكية إن لمت حواليها رجال

إقعد وإخدم تعلى الفوق

وإن قالوا الراجل نزل السوق

إنزل وإتعلم ماتهبش رجال

وإوعاك تتلم على الأنطاع

الشكل شناب وطواقي اشبار

والجتة اهي هيش

الراجل يفضل مصلوب وان جاع

والهدمة بتستر بس المستور

واياك واللي ماصانشي العيش

هايبيعك أول مشوار

عمر الكاستور مايعيب أبدان

ولا سحنة تميز إنسان

والحاشية كتار

والصحبة كتار

والراجل وسط الزنقة يبان

متخافش من إبن اصول

خاف الهلاس

بيصاحبك بس عشان محتاج

ميردش غيبتك قدام الناس

عمر العز ماكان بفلوس

سيب الهايف يفرح بيه

الباب بيلف يلف

ويرجع للحلق اللي أنيه

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى