أحمد رمضان
01032472866
قصيدة: كل اللي محتاجه
مش باين عليه أعراض
تشوفه نشيط وروحه طايرة م الفرحة
لكنه من جواه ميت متين مرة
بيداري حزنه ف ضحكته
بينسي وحدته ف لمته
ولا حد حاسس باللي فيه
ولا هو قادر يحكي لحد
كله عايز منه الحلو وبس
الكل ملهي ف نفسه
ولا حد بيه بيحس
إنسان ضعيف بيبكي بالمس
ميت وقادر يكونلك شمس
بحر مش هتغرق فيه
أأمن مكان تسكنه
أسهل طريق تسلكه
بس إنت قرب ليه
متسبش مرة إيديه
ميغركش الضحك والهزار
ساعات بيكون جوه منه نار
معلش إستحمله
والناقص فيه كمله
مبقاش فيه غير قلب
حتي دموعه سبته
زهقت منه ومشيت
فكرته شطان
خافت منه وهربت
سابته وحيد غرقان
عندت فيه وهجرت
لو قالك سيبني متسمعلوش
خليك دايما معاه
حلي ف عينيه الحياة
كونله ربيع دومله مطر
إتباع كتير وقلبه إنفطر
خليك مرايته
كمل وياه حكايته
كونله البداية وكونله النهاية
أول قرار يختاره
خليك إختياره الإجباري
لما يشوفك يرجع عيل تاني
علاجه الوحيد
كونله الأمل فيبدأ جديد
أجمل ونس فيكون سعيد
كونله إبتسامة متفارقهوش
قلب فاكره مينسهوش
إدعيله ف كل وقت
وف كل طريق تأخد بإيده
ف الحزن تكون عيده
لو غاب لغمضة عين تشتاقله
أي شيء يلهيك عنه تتجاهله
مش عايز اللي يحبه
قد ميتقبله
مش عايز اللي يوده
قد ميتحمله
حتي ولو كنت بعيد
بدعائك هتكون قريب
بس إنت متنساش
ولا هوا هيكون ناسيك
دا لو طال هيشيل الدموع ف عينيك
ويقضي باقي حياته دايما بين إيديك
بس إنت قرب ليه
ومتسبش مرة إيديه
