محمود الدستاويالاسم /محمود عبد الحميد الدستاوي
اسم الشهره
محمود الدستاوي
مشاركه في فئه شعر العاميه
(كل فرحه)
كل فرحة بتسكن
الإحساس بتبكي
زي فيلم ملوش نهايه
فلم مكتوب بالدموع
وفلم ممنوع م الرجوع
للي كانوا ولسه فينا
بس واضح أن كاتب
الروايه ناسى حاجه
الحياه من غير سفينه
كل شئ فاصل حياتى
زى حلم وراح سايبني
زى دور كومبارس واقف
بس شايف المشاهد
صعب جدا تتوصفلى
زي بحر موجه عالي
زي شمس بطيف خيالي
اي قبطان له خريطه
هدفه لتحديد المكان
أما روحي لسه تايها
عن حياتها والزمان
حتي عيني مش قويه
زي نار بتكوي فيا
والاهات ف النبضى شاهدة
ع الحكايه وفين سببها
جوه مني حاجات كتيره
غصب عني تبان قليله
بس حلمي صعب ممكن
انى لسه بفتكر
بس بكتب قصه تانيه
قصه مليانه ب غموض
كل أبطال الروايه من حكايتي
لما أموت
اللي قال النص كامل
كان بيكتب ع الخيال
هو عمره كان مجرد
أما عمرى كان الام
كان اخرهم نص واحد
دور وكلمه
ف قلب سطر
حرف ناقص كان سببهم
كل شئ راح ينتهي
النهار مسيره يمشي
بعد ليل مليان
حنين
كل يوم برسم بقلمى
دور بطوله ودور حياه
بس ناقصه كام مداخله
من دموعي والنجاه
الى فاضل كام دقيقه
وينتهي نص الحوار
ممكن انجح بس احاول
للنهايه
واكتب القصه ف سلام
البطوله لسه عايشه
عايشه ف القلب الدفين
بس مين يقدر يميز
الحقيقه تبقي فين
صعب جدا انى احذف
أي كلمة تبقي ف الاخر حياه
بس ممكن اني أكتب
حد شاهد طوق نجاه
والا أنسي احط روحي واعمل المشهد ناساه
سهل جدا دور بطولة
كاميرا واحد….. كان بيضحك
كاميرا اتنين….. كان بيبكي
بس دمع القلب سال
والهموم ف الوحده تجرح
قلب خالي من مناه
حاجه واحده ان خلي
النص يكمل
انى أخلى الناس دي تبكى
واعمل أخرج مسرحي
بس مين يبقي الضحية
والرواية بدون جناه
بس فاضل ليا مشهد
حد باقي ليه ماجاش
حتي جمهور الحكايه
جوا فيلم ما انتهاش
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
