قصيدة : كنت حياتى .مسابقة الشعر العامي .بقلم / إيناس السيد

الإسم: إيناس السيد محمد محمد أحمد
إسم الشهرة: إيناس السيد
الدولة: مصر
الإسم على الفيسبوك: إيناس السيد
اللينك: https://www.facebook.com/profile.php?id=100008724012270

المجال المشارك به فى المسابقة: شعر العامية
إسم العمل: كنت حياتى

كنت حياتى
————
بعد ماكنت كل حياتى
إنت ملكش مكان ف حياتى
جرحك،وجعك،فوق نسيانك
رجعوا ليا حبى لذاتى
كنت نسيتها ، أيوة نسيتها
دابت ف الوهم مع آهاتى
حرجع تانى أعشق نفسى
وأفتح للدنيا دراعاتى

عشت عشانك أوقات صعبة
كنت ف عينى أهل وصحبة
أنا سبت العالم والناس
علشان لوعة وحيرة وكدبة
لا ،داانا عمرى غالى عليا
وكرامتى أعز إختياراتى

كنت بشوف نفسى ف مرايتك
عقلى اتطمن تحت وصايتك
كنت بصدق كل حروفك
إزاى أنا مفهمتش غايتك
فاكر إن أنا لعبة ف إيدك
فوق، أنا شلتك من حساباتى

أنا كنت معاك صاحبة مبدأ
ومبادئى لا يمكن تتجزأ
كان نفسى ظنى يتحقق
و زى ماخليت قلبى اتعلق
قلبك بكرة حينزف هم
يتمنى يكون من ممتلكاتى
بعد ماكنت كل حياتى
إنت ملكش مكان فى حياتى