قصيدة : لحد الشوق مايعوز . مسابقة الشعر العامي بقلم / حسن المالح

الاسم :حسن فريد لطفي المالح
اسم الشهرة: حسن المالح
رقم الهاتف :01015573172
صفحة الفيس بوك : حسن المالح
رابط صفحة الفيس بوك : https://www.facebook.com/hassan.elmaleh1?mibextid=ZbWKwL
المجال المشارك به :قصيدة بالعامية المصرية
اسم العمل : لحد الشوق مايعوز
__________
ضميني لحد الشوق ما يعوز
زي عروسة بتحضن أراجوز
ونضحّك كل حزين مهموم
كان لاوي البوز
والضحكة تطول كل الدمعات
ضميني وخلي الدوشة سكات
وعيوننا هتحكي بأحلي كلام
ضميني لحد الكون ما يكون
زيي وزيك عاشق مفتون
وهنجمع كل كواكبه وشمسه
في رقصة سلو
ضميني لحد الروح ما تتوه
وانا ابان محتار..
ابنيلك جوا في قلبي جدار..
علشان ما تشوفك غيري عيون
ولا اهديلك كل الشرايين تصبح اوتار
تعزفي بايديكي عليها فيصبح صوتي قانون
..لسه انا مفتون
بصبية بتختار فساتينها مع كل صباح
ف تلاقي الفستان طول الليل
واقف ادام مرايات البيت
بيعشم نفسه ب لو وياريت
ولحد اللحظة اللي بتختار
واما اختارت ضحك الفستان
وكأنه بقى بكل الألوان
بصبية بتنزل ع السلم فبيبكي دموع
خايف مايكونش أمل في رجوع
والشارع يستنى اللحظة اللي تطلي عليه
ف يلبّس كل بيوته احلي ماعندها من انوار
ويحفَظ كل طيوره باسمك احلي نشيد
علشان تتفائلي بصبح جديد
فتبان الضحكة فيصبح عيد .
بصبية يطير شعرها في الريح
وتزور كام شعره منها الارض
تلمسها الارض تبات فرحانة وتطرح نور
فتغير الشمس ف تلمع وتبان زي الحور
ويقول القمر اشمعنى أنا ما يصيبنيش عشقك
مع إنه في أول يوم في الشهر ..
بفضلك يصبح بدر بدور
ضميني وضمي الدنيا معاي
فبيرقص بعد الحزن الناي
وبيهدي الناس بعض.. الصبار
ف يلين الشوك
والليل بيصير مسرح اشعار
والذكري بتتحول حواديت
لعيال وبنات
راسمين الحب بدون أوجاع
ضميني وخلي الحب مشاع
بين كل الناس
رتلي في آيات العشق
فيسمعها الإحساس
فيعود لإيمانه بإنك جنة
مسيره يزور
ضميني عشان نتحول نور
ونعيش في خلود
ما احناش أحياء ماحناش أموات
عدينا حدود الروح بحدود
ضميني عشان آخد إثبات
إن فيه إنسان ممكن حضنه
تلقاه مزروع أشجار وورود