#لحظةصدق بقلم الإعلامية فوفا خضر #لحظه صمتك عارف لما سكوتك يسكن قلبك والكلمة سجينة جواك لما تلاقي دموعك جوه عيونك وانت بتضحك من ورا قلبك علشان تثبت انك عايش أصعب حاجه لما تكون محتاج قلبك يبقي في حضنك ماتلاقيهوش عارف ليه صمتك قاتل كل عواطفك عقلك رافض كل الواقع صوتك رايح جوه سكوتك حتي دموعك ويا سكاتك لحظة ضعفك شاغله حياتك مبقاش حتي محصل جايز ترفض انك تظهر ضعفك تكتب شعر مجرد وصف إنك حاسس ومنتش عايش وتسيب حزنك ألمك يأسك وفى لحظة تلملم كل عواطفك واللى اتبقى من إحساسك تواجه نفسك وتعيش ليك عارف لحظه صدق تعيشها لوحدك احسن م الكدبة اللي انت عايشها مع أصحابك ومش اصحابك الوحده دى احسن صاحب لما تصاحبه يخلص ليك صاحب روحك صاحب قلبك صاحب عقلك صاحب قلمك يحكى ويكتب كل الموجود فيك .
