قصيدة . لما جيت انساكي . مسابقة الشعر العامي بقلم / حسن أبوعرب محمد

لما جيت انساكي مَرَّه
جوه منى دار صراع
والتقيت الدنيا مُرَّه
عشت فيها سنين ضياع

لما جيت انساكي مَره
التقيتني بحبك اكتر
دا اللى يعرف واحده حُرَّه
جوه قلبه الحب يكبر

مستحيل ارحل وافُوتك
واسأَلي الدمعه اللى حَارَّه
فاضحكى هيبان ياقوتك
وازرعى فى قلبى المسره

لما جيت انساكي مره
قلت آخد ليكي صوره
صدقيني يا ارق زهره
كل ما ابعد اقول دى شورى

ياللى سحر عنيكي حارق
والهوى فى القلب غيَّه
سهمه صاب القلب راشق
مُت فيكي مليش ديَّه

متقوليلي ايه اللى فارق
بين حنانى والقسيَّه
واللي صانِك واللي سارِق
والخيانه المتداريَّه

لما جيت ابعِد وافارق
الدموع خنقت عنيا
والمراكب والزوارِق
غرقوني وكانوا خيَّه
***
حسن أبوعرب محمد
الحواوشه
المنصوره/الدقهليه
رقم الهاتف
٠١٠٦١٣٢١٩٥٤
لينك الصفحه
https://www.facebook.com/profile.php?id=100017920533679&mibextid=ZbWKwL