فاكر في ليلة قدر قبل الشروق حبة جيت تجري م المسجد و تنادي بمحبة ومسكت بايديا قلت اطلعي ع السطح و فتحي في الشمس فتحت انا عنيا قلت اني شايفاها و الجنة جواها عيني ولا رمشت ولا حاجة واجعاها وقلت ليلة قدر يارب في حماها (هللت م الفرحة) وبست لك ايدك و دعيت يارب الكون بالصحة والافراح والرزق ليزيدك طب خنت ليه عيشي والملح لم يطمر وبعت عشرتنا وفارقت و بتسخر ورميت وراك عمري ماشي بتتمخطر بصيت لي ف عنيا وقلت ده مقدر فكرك خربت البيت والله ما بتقدر انا بيتي دوم عمران بالحب والاحفاد وانت ان مشيتها بلاد ما تلاقي زيي ف واد عارفة انك التعبان عايش شقي و غلبان م انت الغبي الكداب ومشيت عشان نزوة وانا كنت ليك عزوة و كنت وحداني محتاج سند تاني وانا كنت ليك اهلك الدنيا ويايا كانت بتندهلك وكل طلباتك كانت بتتلبي ياراجل اتخبي واتلم لك حبة فرشت لك روحي تمشي و تتصبي و ظبطت احوالك مالي ده صار مالك خليتك الباشا و اكلت من قلبي زودت ليك حبي بقلاوة وبغاشة في الآخر استندلت وسبتني هشاشة مش ببكي ولا بحزن ولا بشتكي للناس ولا عاوزة اشوف صورتك دي السحنة غشاشة الحب راح وخلاص ولا بفتكر الا مكنش فيك اخلاص وكنت 100 علة انا بس لما كبرت قلبي اتوجع م الهجر انا كل ليلة بنام بشكيك لصاحب الفجر كل اللي عاشرونا قالوا ده أكبر ندل الليلة ليلة قدر وانا بدعي من قلبي بقول يا خالق الخلق شيل غصة مالية الحلق م الخاين الغدار بين لي فيه حقي يارب ( فويل للقاسية قلوبهم وحسبنا الله ونعم الوكيل)
