(ليه)
ليه بتقسى يا حبيبي
وليه بتنسى إني حبك
ليه بتعند.. ليه بتبعد
وليه أعاني ظلم قلبك
ليه بتسمع صوت عذول
وليه تهنى بظلم حكمك
ليه تسيل دمع عيني
وليه أعيش أعاني بعدك
ليه تبين إنتا ضعفي
وإنتا حبي وأنا حبك
……………….
أنا عارف إني عشقك
وإنتا قمري وأنا شمسك
بس غيرتك دي خناجر
يا هواني في بحر شكك
يا حبيبي ليه تغير
وأنا نقطة جوه بحرك
وأنا هافضل يا حبيبي
سهل طين محتاج لنهرك
ليه تعطش إنت قلبي
ليه تسيبني أموت ف بعدك
…………………….
لا يا خلي إنت قاسي
وإنت ناسي إني خلك
وإن دمع عيوني ريه
مهما كانت هى دمعك
وإن بحري وحتى شطي
هى مرساتك وشطك
ليه بقى تفضل تعذب
في حبيبك خل قلبك
إوعى تنسى إني حبك
وإن روحي جوه دمك
وإن روحي في الليالي
ياما هامت فوق عتبتك
ويشهد الليل الطويل
عن سهادي ياما جنبك
لا يا حبي إوعى تنسى
وإن نسيتي فذنبي عندك
وتبقى روحي يا حبيبي
في أهاتي تدور في فلكك
وحبي يفضل يا حبيبي
في منامك طيف يطاردك
ومهما طال العمر أفضل
يا حبيبي أموت في حبك
للشاعر: إيهاب عبدالله البعبولي
ــــــــــــــــــــــ
تقديم/ مختارالراوي
