قصيدة : ماتحاسبونيش . مسابقة الشعر العامى بقلم / ياسمين حافظ

ماتحاسبونيش على قلبي الطيب

واني من الكل قريب

قلبي حصن أمان

بمشي ع الكل أطيب

تحاسبوني ع ايه

أنا هفضل ساكت ليه

واسيب الكل يعيب

يدغدغ فيا

يوجعني من جوا

يغصبني بالقوة

أكون انسان تاني

مش مني قريب

اغير جلدي وعنواني

لكل آمالي وأحلامي

يخيب

كفاياكم جرح وتقطيع

تجبروني اني ابيع

ومكنش أبدا طيب

لابد اني أقول

ع كل جرح أقوم

لا أضعف أبدا

ولا اسيب

وخز الجرح بيتعبني

مسيره بكرة هيسبني

لا أخاف أبدا منه

ولا أعيش عمري

مغيب

من كتر اتهامكم ليا

الدموع ما فرقت عينيا

لكني مصمم ولا أبين

وكل ذنبي اني طيب

ولا منكم أبدا قريب

مش زي خبثكم

وطبعكم اللي يشيب

ولا مكر تفكيركم

اللي يغيب

ولا زي خداعكم وكدبكم

لكل المتعشمين خيب

أنا واحد طيب مش أهبل

لا عمري اتغفل ولا أقبل

لو اتضحك عليا ف يوم

في اليوم التاني بثور

ع نفسي ولا أطيب

باخد حقي من غير ما أضرب

لو جوايا كتير بغضب

حقي بيرجعلي ولا بهرب

لا عمري لغلط يحصلي

اسلم ولا اسيب

ولا أعيش ساذج

متغيب

من نفسي انا قريب

هتغير اني اكون أذكى

اتعلم كل يوم أصفى

واكون بضمير مرتاح

من غير ما فيا يأنب

هفضل من نفسي قريب

من غير ما أخاف ولا أسيب

ماتحاسبونيش عشان بس

انا طيب