قصيدة ماتستاهليش ..للشاعر / نشأت عادل

(ما تستاهليش)
وفجأة نسيت
حاولت اجمع
حروف إسمك
لقيتها دُخَان
كأن اللى مابينَّا
ماكان
و صاب العقل
لحظة عقل
غرامى الصعب
أصبح سهل
صحيت قلبى
ماهوش
زعلان………
بقيت فرحان
أنا القلب اللى ما
اتهناش ب غير…
قلبك………………..
انا المسحور ب…
نور عينك…………
انا الحب اللى…..
حبيته عشان
حبك…………………
انا العشق اللى
ب يزينك………….
انا اللى فتحت
أبوابى………………
ومَلِّكتِك على…….
سنينى………………
انا اللى صحيت
على غفلة………….
لقيتنى لوحدى…..
ف الحفلة
وبسأل قالوا
سيبتينى…….
كأنى ف حلم…….
منه صحيت لقيت
نفسى ف عصر
الغاب………………..
ب لا أسباب………
لا انا عارف فاتتنى
ليه
ولا لاقى ل سؤالى
جواب………………
ولا مهتم
ضحكت كتير
وانا ب ابكى
على الحلم اللى
ماحلمتوش….
واقسمت انى
مش ح احكى
عن الحب اللى
مانسيتهوش…
عن الليل اللى
ما نمته
وانا ب اكتب
ف عينك شعر
عن الشوق اللى
نَيِّمتُه…………..
وسهرنى ل آدان
الفجر…………..
عن العُزله…….
ومرار الهجر…
عن العذر اللى
ألِّفتُه
عشان القى ل
خيانتك عُذر
عشقتينى!!!!!!!!
ما اظنش يوم
عرفتى الحب
وجايز برضه..
مافهمتيش……
أنا عارف غرامى
صعب……………
وجايز قلبى…..
مافهمكيش…….
ماهو ب يفهم
يادوب…………..
طراطيش………
ولو كان فهمه..
ب القنطار……..
ما كانش احتار
ولا انهار تحت
اعتابك………….
وكان لسه……..
يادوب …..
تناتيش…………
وب تخبط على
بابك…………….
فتحتى لها…
بيبانك ليه؟؟
عشان تكبر..
وتتمنى!!!!!!!!
ويكبر حلمى
أُدَّامى……….
وتتمَسِّك آمالى
بيه…………..
وفجأه الاقيكى
على غفلة
ماكنتيش أد
احلامى…….
ماتستاهليش
تكونى حلمى
لو لحظة……
ولامؤاخذه…
ح اعيش……
حلمى………..
وما انتيش
فيه……………
وبرضه ح اعيش
وح انساكى
وذكراكِ……..
ماتلزمنيش
ماتستاهليش
د/نشأت عادل