بسم الله الرحمن الرحيم خاص بالمسابقة فئة الشعر العامي الإسم : سماح محمد خليفة إسم الشهرة سماح خليفة القصيدة بعنوان ماتندمشي _______ تحاول تعدِل المايلة وتتقدم وتعمل فَرق ونهر الجدعنة السايلة يهيأ مركبك ويزُق فَتِقنع روحك الشايلة مافيش غيرها يدوب تلحق تزود م الحمول أكتر تبان من بَــرا شاهبندر تغمّض والدموع تسهر يبان ضعفك في لحظة صِدق في نفس اللحظة والثانية بتلقى طوبة والتانية بترفض رَصة في البَنية عليك تنزل ، تسيبلك شق ما هوش ذنبك ما تزعلشي زرعت الخير ماتندمشي كريم ربك ما يغفلشي شايل لك بالنوايا الرزق هتلقى الجبر بيداوي مدام ع الشر مش ناوي دي كل الدنيا ماتساوي مدام بتراضي رب الخلق وشيل بالراحة والمعقول سنين العمر ليها فصول ولما تحس ظلمك قول في عين الدنيا كلمة لأ
