قصيدة :مافهمتينيش . مسابقة الشعر العامي بقلم / محمد على حسانين

مافهمتينيش

وقت اما جيتك بعد ماطال البُعاد

كان عندي فوبيا من ركوب الطيارات

لكن ركبت

كان عندي عيله وليا بيت مليان عيال

برضو رحلت

كان ليا أب وليا أم

كان ليا أخواتي البنات

أكبرهم تمنتاشر سنة

كنا هنا !

قاعدين نناغش في الزمان مايهمنا

مين زينا

كان يصحى م النجمة يداعب في الحياه

يرمي همومة وذكرياتة مع الفشل

الأوسمه ….. لو ليها صوت

كانت في حقي مجدَّت

الأرصفة .

تشهد علي رجلي اللي باشِت وأتهرت

من كتر سعيي في إني يوم أنجح وأعيش

مع كل دا …

مافهمتينيش

في البُعد عنك !

كان الزمان بيمر زي ليل حزين

رافض يغيب وينتشر ضؤ النهار

زي السمار…

فوق رمش جندي ع الحدود

أثر عليه الإنتظار

ذي القرار

مستني عمري يوقعه علشان يمر

مع كل دا وقولت عادي مش مهم

مايهمينيش!