خاصة بمسابقات مهرجان همسة الدورة الرابعة عشرة
دورة الفنان الراحل مصطفى فهمي
الفرع : شعر العامية
اسم المتسابق/ رمضان سالم أُنسي
Ramadan salem alalka
البلد : مصر – الفيوم
واتس آب : 01028365092
الصفحة https://www.facebook.com/ramadan.alalka?mibextid=ZbWKwL
القصيدة
مانيش مُهدي
~~~~~~
و بين همسك
و لمسة إيدك الدافيه
و نبض القلب جواكي
بكون هايم و بتمايل
على رنة خطاويكي
و ضحكه باينه مرسومه
على نبره تُرد الروح
و قلبي ضعيف
رقيق أكتر من النسمه
اللي بتهدِّي ليالي الصيف
جميع الفِكْر جوايا جناين ورد
و راحة بال فضا
هادي يسيع الكون
و متسبنيش غناويكي
على شط الهُدى هادي
أروح سرحان
ف نظرة عينك الأولى
و نجمه طاله من عتمه
و آخر كلمه قولتيها
عن المرسى
دليل المركبه التايهه
ف غدر الموج
بكون ضدِّي ف عثره
اعثرها ويَّاكي
أقول عادي
و كلُه يهون و بيعدي
على فجأه
يغني صوت سكاكينك
على المدبح
أقوام اسأل
ملاك يدبح ؟
يجوز بيغوص ف تكويني
شبيه شيطان
يلَخْبطلي رمال شطي
و يملاها رُكام و إزاز
يخلِّي البحر متعكر
كئيب … مُظلم
أحس بحِيره تقتلني
تسيب ظنِّي و بتسافر
ف سكة جو متأثر
بشبوره و كتلة غيم
توصلني
لآخر حد ف جنوني
أغالط بالجدل نفسي
و ضلِّي ماشي قدامي
بدون ما ادرى
ألِم خيوط هلاهيلي
و احُط ف حِتَّه مقطوعه
أحاول ف المدى أصرخ
و حتى الصرخه مش طالعه
أفرَّغ صبر في كاسي
ف صحة كل عزالي
فــ تاه بالي
ف راحه جايَّه من سكه
تعبها الخوف
أتاري جايَّه أهْدِيها
و اعلمها تصلِّي ازاي
غرضها تتوب بتعويذه
ترجَّع حلمها الضايع
ف وادي غريب
براءة حسها المُرهف
أجمَّع ضحكتي الباهته
و اوزعها على اتجاهات
مانيش عارف آخرها فين
بقيت حيران
ف هوجة فِكر شيلاني
ف حضن الريح
و انا إنسان
و حسي حي جوَّايا
مانيش تمثال
و منحوته جداريه
يادوب مخلوق من الطينة
من الطيبه
مانيش مُهدي
ولا إبليس
`~~~~~~~~~
شعر / رمضان سالم العلالقة
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
