قصيدة (مركب ورق) مسابقة الشعر العامى بقلم / أحمد محمد ابوسريع

الاسم احمد محمد ابوسريع
الشهرة احمد ابو سريع
رقم الواتس: 01149018388
https://www.facebook.com/profile.php?id=100037228428920
الفئه : شعر بالعامية المصريه
قصيدة : مركب ورق
الليله نوح الوحي جاله يركب سفينته
اصل الغرق طوفانه واسع
والشوق دا جالي في غفله سبته
الحب نحله قرصه لاسع
اشرب مواجع من آنين الخوف
وامشي في طريق الهلاك السهل
في وقت الشده راح هتشوف
مين كانلك سند وعزوه واهل
ضحكت لحظة لما كنت بكيت
وفرحت ساعة لما كنت حزنت
وهدمت حلمي لما كنت بنيت
والحزن دايب جوا عين البنت
الحب فرحه بترتعش
بتمر بيني وبينك
وعيني كانت تنتعش
لما تشوف عينك
قتلت بينا اي ذرة شك
وجريت عليكي وانا خايف
وقلبك جوا ضلعي اتسك
وغير قلبك حنيني مش شايف
رمينا المراكب تعوم ع الشط
مراكب من ورق قلوبها معدن
وقلبي إتشال مكانه إنتي اتحط
إنتي الحقيقه في كل ما بكدب
النور بيقتل اي كداب في الحقيقه
والحب قادر يحيي فينا اللي مات
قلوبنا ملت وعاشت تتنفس غريقه
بتحاول تلاقي فينا بعض الحاجات
امسك حبيبتك وخلي ايدها بيدك
وخدها واركب سفينة نوح
وارسم خطاوي المعركه بدمك
وخلي سرك عايش اوعى تبوح
في حاجات اول ما نقولها تموت
وحاجات لو نقولها تعيش
والشده ديماً مش بعلو الصوت
وحبي عايزه بس ما بيديش
لو بس نيجي ونكسر الايام
ونعيش انا وانتي بس لوحدنا
نرسم خطاوي لسنين قدام
ونرسم ع الجدران قصة حبنا
الليله الطوفان جاي علينا شديد
هيقتل كل اللي كفروا بحبهم
وانا قلبي شافك كنتي انتي العيد
وصبحت مؤمن لما بشوف كرههم
الموج بيترقص بحبال الغرق
شاف الالم امل
والحلم نوره انطفي لما اتسرق
والبدر مات لما اكتمل
ياحبيبتي…
الفكر جلاد للمشاعر
والقلوب للفكر عاصي
شربت منك
والعقل خالف للمعاصي
القلوب في الاصل مالحه
ميتها زرقه في عيونك
والعيون مريضه كالحه
والقلب مش ممكن يخونك
مش هقولك اني هابني
وراح اجيب
وراح اجيب
وفجأه اغيب عنك لفتره
لكن هقول
السنين هي اللي تثبت
قد ايه القلب حبك