ط
مسابقة الشعر العمودى

قصيدة : مسرح الحياة . مسابقة الشعر العامى بقلم / راندا عطوان

راندا عطوان

المنصورة

مصر

مشاركتى بالمهرجان (شعر عامى)

صفحة الفيس مس راندا عطوان

( مسرح الحياة )

فى مسرح الحياة

انت بطلة الروايه

إعملى اللى عايزاه

دوسى للنهايه

اليوم خليكى ِفاكراه

وانت بتنعى البدايه

كاس الغدر اللى شرباه

أنا أخدت منه كفايا

إذا كنت بقلبك وياه

لازم تتمحى من جوايا

روحك عايشه معاه

طب ليه دلوقتى معايا

إنت دايبه جوا هواه

غصب عنى أو برضايا

فكره زمان.. قولتى ناسياه

وان عمرك ابتدى فى هوايا

قولتى عيونى مش شايفاه

طب شوفى نفسك جوا مرايا

قولتى ودانى مش سامعاه

طب ليه غرزه الآه جوايا

و فى حلمك دايما ندهاه ولا

داريه لهيبى فى حشايا

حتى فى نفسك حَسَٓاه

يصرخ ويقولى منايا

اذا كنت بقلبك وياه

لازم تتمحى من جواىا

القلب اللى شراكى و بيعاه

مَوْتُه بإيدى ضنايا

مش هاستنى تقولى باهواه

هامشى ويا قضايا

ألبوم صوره اللى خَافْيَاه

مش للذكرى بقايا

أنت من جواك عشقاه

لسه يا ما جوا القلب خفايا

لو جابولى كل قضاه

حتى لو قطعوا قلبى شظايا

مش هاقبل أتحب بالإكراه

ولا حبك لى يبقى عطايا

كل اللى جواك حساه

إتحول كره فى كل خُطايا

إعملى اللى انت عايزاه

بس بعيد عنى مش ويايا

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى