الاسم : محمود عبدالستار فرغلي اسم الشهرة : محمود زناتي رقم الفون والواتس 01090443758 لينك صفحة الفيس بوك https://www.facebook.com/share/17pmjfG769/ اسم القصيدة: ( مشهد سيما ) للمشاركة في شعر العامية
#مشهد سيما
سكوت … كلاكيت … بارتيه … مشهد نهايةْ ماتسألوش طب ليه بلاتوه أخير من موقع الأحداث فانتازيا سودةْ ملانةْ بالأوباش بس الحقيقةْ ان إحنا خدنا عليه – سيناريو قاسي .. والكل واعي الدور أكشن – تراجدي – نفس التاريخ بيدور في اطار كبير يوحي بمشهد هم الكل واقف خلف الكالوس متلم مُخرج خواجةْ – بيحب لون الدم عمال يعيد ويكرر المشهد
(كلاكيت) 🎬 – يبدأ بكاميرا واخده زاوية ميل على توب مقطع حوالي ١٠٠ حتّةْ صورة قنابل ماليه السما بتميل والدم نازف من معظم الجتةْ – البطلةْ شالت إبنها وجريت وبعزم ما فيها داست على الأشواك الكل شافها نجمة الشباك بس الخلاف على إنها بتموت عمّاله تصرخ والمايك قفل الصوت واقفةْ في وسط النار بخيط بتلم باقي التوب فضلت معافرةْ وراضيةْ بالمكتوب من فوق دماغها سكنت جبال من هم بس الصراع لازم عشان ما يتم خلف الكالوس أفراد عصابة بيحدفوا بالطوب
– الصرخه عليت م الوجع حذفوها ف الدُّبلاج حتى الضحايا اتمنتجوا واتشالوا ف المونتاج خافوا الرفاقةْ يحسوا بالإحراج فاتملّصوا م الدور – المخرج المفتري ما سترش ع المستور إستخدم السيناريست وغيّر الحبكةْ علشان ما يبقىٰ صراع ف تكتر الربكةْ إتفقوا يكتب مشهدين تركيب – مشهد طبيعي من جملة الألاعيب لبنت حلوه بتلبس الشبكةْ بس في مكان تاني وبشكل نسياني الزفة ماشيةْ والأكل ياما كتير منظر لعربي بيعبد التغيير عمال بياكل والرقّصات بتميل دوبلير ولآبس العقال أسود والدقن نازلةْ متمرمطةْ في الوحل سكت الخواجه وفجأةْ عرف الحل هايضيف كمان مشهد – مشهد مباغت لدانةْ مرميةْ عبرت بلاد نزلت في صحن الأكل أخدت معاها أشلاء لجثمان طفل من موقع الاحداث قلبت طعامه بدم لمّس بإيده فجأةْ حس الهم بس الغريب فعلًا انه مكمل أكل – مكتوم يا صوت الصدق جوانا محبوس يا قول الحق بالأسوار كل البيوت إتهدمت وإتحولت لغبار خربوها وِلد ال(……) وبسرعة شنوا الحرب المجرمين علشان يبيدوا ويدبحوا مش محتاجين أعذار
– في نهاية التصوير نزل الأفيش بيعظم الأوباش رغم الحصيلةْ مافيش بس النهايةْ خلاص مش زي ماهو راسم – بقرار جديد حاسم البطلةْ قامت تنتفض مع مجمل المساكين فضلت تقاوم في الوجع متمسّكةْ بالطين سكاكين معافرةْ تغير المشهد ف اختلفت الأجواء – المخرج الملعون هرب خايف يدوق الداء ويعيش حياته حزين ازاي قوليلي مكمله وقادرةْ ع الأيام وازاي تعاني م التعب ؟! وانا اللي قلبي حزين
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
