مش بحسدك .. لكن محير قلبى حبك للبراح وريح تغيب وريح تعود وتوعدك بيوم يطير الحلم بيك من غير جناح مش بحسدك .. لكن غناك للبحر والموج والنجوم ولون شراعك المسافر للسما وقلب خالى م الوجع ومن الهموم ونفس راضية وضحكة صافية منغمة مش بحسدك .. لكن حياتك فيها شيئ بيشدنى من خبطة المجداف بايدك والسفر لحملة الرزق المعادة كل يوم لرحلة المجهول وبصك للقمر لشدة الموج وانتظارك للشبك لصوت دعاك وانت بتنادى السمك لقلب متطمن أكيد مش مرتبك مش بحسدك .. لكن غريبة فرحتك لايقة عليك والمية عارفة ضحتك وحاسة بيك وفوق سماك طوابير سحب واخده عليك لوحة منورها الرضا.ولمعة عينيك مش بحسدك .. لكنى كان حلمى أكون زيك طليق اطير وأرفرف زى عصافير النهار لا خوف يهز القلب ولا وجع الطريق ولا تعرف النفس الندم والانتظار مش بحسدك .. #الشاعر / شريف أنيس
