مش جايلي نوم..
ولا إنتباه…
مش جايلى رغبة فى الحياة
مش جايلى موت.
انا هنا وعايش فى العصر الرمادى السحيق..
مع حبة ذكريات..
نازلين ليلاتى زعيق
وتنطيط
عا السرير و السقف والتسريحه..
ولسانى بلسانى مع كل ذكرى بقول اسف
أنا آسف
آسف عا كل اللى قولته
وأسف عا السكوت
والأحوال الفضيحة
والاحلام الطريحه..بلا زهو او ملكوتوللبنات المليحةل
اللى محبتهاش
والكفوف اللى ضمتها
وما حنتهاش
والأصحاب اللى أهدونى النصيحة
وزعقولى فوووت….
وفضلت القمر خايف
لحد الخفوت
ورفرفات الدبيحة.
انا مش جايلى نوم.
…(عنتر)
