قصيدة “مش دول الحبايب”.مسابقة الشعر العامى بقلم / البتول العلوى .المغرب

قصيدة “مش دول الحبايب”
للمشاركة في المسابقة
البتول العلوي من المغرب

يا قلبي يا طيّب …. ياللى مالكش نايب
فى الاحزان قريّب …عند الفرح غايب
بيزيدوا فى جرحك … وتسامح بطبعك
يا ما غلبت اقولك … مش دول الحبايب
ياقلبى ياطيّب
شايفاك بتحايلهم … والغدر فـ عينيهم
تمسح دمع عينك … بالحب تناديهم
لو سيبتك شوية … راح تصعب عليّا
دى النار اللى بيّا … خلت نورى غايب
غلبت اقولك
مش دول الحبايب … ياقلبى ياطيّب
سيبك من طريقهم … وارجعلى أضمّك
ايه راح تاخده منهم … غير جرحك وهمك
دالجرح ف ايديهم … والغدر ف عنيهم
لو سلمت ليهم …تلقى العمر دايب
يا ما غلبت اقولك
مش دول الحبايب …ياقلبى ياطيّب