مش لوحدك …. إوعى تنزل ….. يوم دموعك
أو تطاوع …. مره …. خوفك …… لو ندهلك
إحنا … وسط الدنيا دي .. أصلا …… بتوعك
و احنا …. بين الخلق دول ……… والله أهلك
.
كلنا … جنبك …… و كل ما فينا ……. حابك
دا انت …… إكرامك …… دا فرض كبير علينا
ما انت ….. أقرب حد ………. ف الدنيا لربك
و إنت …. ريحة المصطفى ……. الغالي نبينا
.
مش لوحدك
إوعى تمشي ف مره …. و انت حاني ضهرك
مش لوحدك
دحنا عينك .. و احنا إيدك …. و احنا ضهرك
.
فين ماتمشي و فين ماروحت و فين ماجيت
كل حاجة .. بتاعتك انت ……. دا لو رضيت
و احنا …. لو ف الدنيا ….. لينا بيت يساعنا
فا انت .. ليك جوه القلوب .. 100 ألف بيت
.
مش لوحدك
كل حاجه ….. ملكك انت ……. و بنقاسمها
مش لوحدك
ياللي …. قربك …… ٱخرته الجنه و نعيمها
.
خدنا جنبك
خدنا جنبك ……. ع الصراط …. المستقيم
خدنا جنبك
يوم ما تبقى الٱخره …. جنه .. أو .. جحيم
دا اللي … ما يحبكش . …. أو يتمنى قربك
هوه ده … اللي ف ٱخرته .. فعلا …. يتيم
