الاسم/ ايسم حامد محمد محمود فياله الشهرة ايسم فياله الدولة/ مصر نوع الشعر/ عامي رقم التليفون/ 01002538244 رابط الصفحة/https://www.facebook.com/Aysam.hamed19?mibextid=ZbWKwL البريد الإلكتروني aysam.hamed19@gmail.com مش مُعاق ........... كان بيسألني ببرائه ليه تمللي لمّا نلعب تبقى ف الركن الحزين ؟ نجري نتسابق ونرجع وانت ماشي بعكازين ! كان بيسألني ببرائه والجواب كان كل مرّه يرسم الرد المناسب فوق خدودي بدمعتين كنت حاسس إنّي بينهم شئ ضعيف مش حِمل هزّه رغم قلبي كلُّه عِزّه وعقلي أكبر م السنين عجز بدني مش بأيدي عجز قدمي عجز إيدي شئ مقدّر ع الجبين بس عندي الروح قويّه وعندي قلب المؤمنين مش مُعاق رغم الإعاقه مش ضعيف ولا مستكين واللي فاكرين انّي هامش والا شئ بالإسم عايش يبقى همّ المبتلين هات إيديك يا صاحبي نمشي خطوّه واحده بخطوتين حكمة العقل السليم بيك وبيّا أكيد ح تظهر باستيعاب معناها نلقى معنى جوّه المعنى أكبر وان عَجَز عقلك يفكر رح تلاقي الفكر عندي هات إيديك وامسك ف يدّي عقلي عقلك قلبي قلبك حلمي حلمك ضعف بدني حسبه سهله حلّها ف القوّه عندك إكتمالك يبقى بيّا واكتمالي يبقى منّك بس لو تبخل بيدّك أو تسيبني لواحدي ماشي وانت تمشي ف سكّه تانيه مش قضيّه طول ما فيّا الروح قويّه ح امشي ماسك عكّازيني والطريق ح اوصل نهايته وانت يا صاحبي ف بدايته رح تقع ميت ألف مرّه حفره تاخدك بعد حفره وانت معدوم العزيمه روحك الضعفانه تشحت خطوّه ف السكّه اللئيمه وامّا تشعر بالهزيمه رح تجيلي ح تلاقيني بقيت دليلك رغم وقت الضعف فيّا سيبتني ما كنتش دليلي يومها بس أكيد ح تعرف فينا مين .. يبقى المعاق ................................. ايسم فياله
