للمشاركه فى مسابقة همسه
قسم: شعر عامى
الاسم: محمد عاطف عبدالمنعم
البلد: مصر
التليفون: 01004337353
معجزه
********
لما تلقى الضي ضلّمه
لما تبقى وحيد فى لمّه
لحن يملى الكون أغانى
وإنت مش سامع لكلّمه
وقت فرحك فيه حداد
ضحكه مكتومه بعناد
مهما تهرب من القُدام
راح تمِّل من الجُداد
لما تلقى الخطوه تاهت
كل فرصه ليك وفاتت
لما ترسم أحلى رسمه
وكل لون بتشوفه باهت
إحساس ف غاية الأسى
ده لأن قلبك إتنسى
مهما تعافر فى الحياه
محتاج لفرحك معجزه
حب تانى مش لاقيه
حد فارق مش ناسيه
حلم عدى و فات زمانه
وانت عايش لسه فيه
مين قريب ليك بيسمع
سر كاتمه ومش بيطلع
ليه تبوح بالسر وإنت
كل ذكرى ليك بتوجع
ماضى عشته وعدى عادى
زى غيره وغيره فاضى
ليه بتتمنى رجوعه
وإنت عنه ماكنت راضى
بقلم:محمد عاطف عبدالمنعم
