قصيدة : مقصودة . مسابقة الشعر العامي .بقلم / محمد الروبي

الشاعر / محمد الروبي
مقصوده
—————————————

بكلمك ع الخاص تردى
قبل ما اخصخص خصوصى
والقي غيرك خاصه تانيه
وانتى بخصوصك تلوصي
بوصلك بالشوق تمدى
حبل توصيل اهتمامك
لو خسرتى ياحلو ودى
تمشى ماتبصيش امامك
عارفه معنى انك وقعتى
فيا وبمدك وصالى
يعنى لو مره امتنعتى
يبقي مش عاجبك فصالى
هبدر الأسواق ب حبى
واشترى بالعشق عاشقه
خبى نفسك عنى خبي
جبت غيرك واحده راشقه
الكلام في الحب فرصه
وسط ناس العشق خانها
الكلام ف الحب بورصه
دنيا مابنشبعش منها
لو قابلتى حبيب يحنن
ضمى زمارة رقبته
لو عوجتى البوز يحنن
قلبى مع غيرك رفقته
قلبي زى القرع دايما
كل يوم بيمد بره
قلبي لا اخفيكى سرا
حب غيرك وانتى حره
لو لحقتى شويه منه
سقسقي بالحب فيهم
قلبي مابيكبرش سنه
ميت حبيب بيحس بيهم
قلبي مادد جوه ايدى
لو يقابله سلام ينقنق
زيدى عندك يلا زيدى
قلبي اصلا للي يسبق
الكلام مقصود وقاصده
ياللى مقصوده بكلامى
انتى قد الشوق وصده
ولا لوية بوز خصامى
خصخصى خصوصى لخصوصك
قبل مايخصخص بغيرك
واوعى لا شطانك يحوسك
ويخايلك انى طيرك