******* لمي اللي فاضل من خيوط الشمس وابني لي ف رحابك مكان د انا من زمان تايه مابين بحر الدموع وشموع بيقتل حلمها صمت الزمان لمى اللي فاضل م الأماني المحشورين بين الضلوع وبلاش تخافي م التعالب والديابة والفيران د انتي الوحيدة اللي ف ايديها الصولجان وانتي الوحيدة اللي ف عينيها قلبي حاسس بالأمان ضميني بين حضنك وبين نن العيون وبلاش تهون أحلامنا ف سنين الجنون وبلاش يموت الصبر في حضن السجون وبلاش نقول : الحب هان والود هان وهان معاه كل اللي كان مدي لي ايدك بالأمل وسيبيني أعيش درويش بيغزل فرحتك بشعاع حنان فلاح بيزرع جنتك ورد وريحان جندي مجند ف الهوى قادر يهين كل اللي خان مدي لي ايدك بالأمل وسيبيني أعيش ملاك برئ م الصعب يلعبُه الشيطان
