قصيدة : منيش حر .. للشاعر / نصر هاشم

منيش حر

….

منيش حر

ولا واخد على التوهان

منيش حر

ولا داقق لااى بيبان

أنا الهيمان

ف محرابك

على بابك

باكون انسان

وليكى تملى

يوم واقف لا اى جبان

وغيرة قلبي

جواها يدوب احزان

ولو قولتيلى يوم طايش

ولا حايش

ودمى ف روحى

شيلهولك …

ولو ح تقولى يوم جولك

أنا ف طولك

حدود وبيوت

أنا واقف ك شجرة توت

ولو ح تموتى جوايا

اكيد راح اموت

ومهما تعدى وتفوتى

اكيد ح تفوت

وترسم حلم جواكى

لسنين بتشوت

وكل ماتاجى يوم

سيرتك

احس حبيبتى وبحيرتك

كأنه تابوت

….

نصر هاشم