الاسم : احمد مجدى عطية ابراهيم الكومى
رقم التلفون : ٠١١٥٢٥٤٥٧٩٦
البريد الالكترونى : [email protected]
مجال : شعر العامية
النص :
#من_بين_شقوق_الصمت
وقت التساؤل عن سبب لـ اللى احنا فيه
هتشوف ف نفسك توهة من فَرط الألم
و هتتسجن جوّا الحقيقة المُخزية
من غير مُبرّر للحدوث
الخطوة مش سايعاك تمر
وخيط حياتك منها كرّ
صبحت بتحب القعاد على شطّ بحر الضلمة خايف م الصخب …
” إنسان غِلِب ”
يدهن ملامح بشرته مكياچ مُسكّن للوجع
ف بيِترك العزلة لدقايق مش كتير
و يطلّ على سكّان العالم التانى …
يطلع كلامه أسألة
إزّاى سحبتوا الشخص من جوف وحدته
و ب دون ما يستر عورته
ف زمان ما ينفعش لبراءته تبان
براءتنا عورة بتفضح الإنسان
و بتغوى كل اللى اتوشم على قلبه كلمة شر …
ملعون كمان البر
لو كان ماهوش مأوى
ف ازّاى هنستقوى لو كنّا مش أقوى
فرض الأمان ف الكون
ماتشوفش ذرّة ضىّ أو تبقى مش محدود
ف الفكر و التنفيذ
رغم انّ ما فى فروق
إن كنت صاحب وشم أو كنت ساكن جُحر
و ازّاى سلبتوا الليل
الصمت و النجمات و حاجات كتير تتحس
و تشوّهوا التفاصيل
و ازّاى ف عينى انا بس مابقتش اشوفنى جميل
مع إنّى باعجبهم رغم انّى بانافقهم …
” عارفين و مش عارفين ”
ماهو يعنى مش معقول لاحظوا ورم ننّى
و قالوا مش فاهمين
عرّوا القصيد منّى و راحوا يبتذلوا
و انا كتفى صار محنى و عينى صابها الكسر
و لمّا اقول ابعد بالقانى جوّا الأسر
مصلوب و متكتّف و قيودى أحكامهم …
والحرب شغّالة ف العالم التانى
لكن طرف واحد يكسبها مجّانى
و كل يوم بنزيد ف السجن فرد كمان
كان نفسى اكون إنسان و لا إنّى أبقى ف يوم
ف السجن وحدانى …
حكموه بنى حيوان
” ف الطبع مش ف الشكل ”
و صحيح كمان ازّاى ب تلوّنوا ف الجاى ألوان ب روح عتمة
جوّاها مِيت كتمة
و الحلو لو فيها حاكمين عليه ب الوَأد
طب اللّى فات كان كده و لّا إنتوا م الجَبَرُوت
داهنين عنيا أسود …
سيبوا البشر لله لـيصيبكوا شئ فيهم
و انا باعتذر ع النص
دا لاّنه مش مقياس إنّ اللّى فات يتحسّ
لو كنتوا مش حابّين
و لأنّى مش عارف مين اللّى فينا الصح
ف ان كنت انا صادق و ان كنتوا مش صادقين
ف ازّاى نكون عايشين مع بعض ف الدنيا
مين اللّى يستاهل ما يعيشّ لو ثانية؟!! …
مين فينا كان كدّاب
مين اللّى سد الباب و شوّه الفكرة
انا مت و انا عايش م العيشة وسطيكم
و عشان كده ف خلاص سلّمت و استسلمت
و هاجهّز المكياج و اخرجلكم بكرة…
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
