_ _ _ من طرف واحد _ _ _
_____________
من حقك تحلمي
ومن حقك تتقلي
ومن حقك ضحكتك
وتعيشي في بسمتك
ومن حقي أعيش حياتي
دايب في محبتك
و أشوف صورة حبيبتي
إللي رسمهالي القدر
يا بعيده لكن أقريبه
ومليش غيرك حبيبه
من حقي أغني غنوه
فيها دمعي وضحكتي
وأرسم بخيالي صورتك
علي جبين القمر
مكتوبلي في قدري أحبك
والحب قدري وقدرك
لكن مكتوب لقلبي
يعيش يحلم بحبك
وإنتي لغيره أكيد
مش ذنبي يا حبيبتي
يا سبب سهري وحيرتي
أحبك من بعيد
لكن من حقي أحلم
وأرسم صورتك في بالي
وأحضن حلمي بخيالي
وأحميكي من الخطر
ده أنا عمري وهبته ليكي
مهما حزنت وآسيت
ومهما قالوا البشر
آااااااه أهي آاااااااه
دا أنا مؤمن بالقدر
أنا مؤمن بالقدر
***********
بكر بسيوني
