من كرسي في مكروباص خلف السواق شمال ياما شال علي حجره ناس رجاله أو عيال وخد أحضان و هاص وإتمتع بالجمال الي الساده اللي فارقوا من غير أسباب عظيمة إن الفراق قرارك و أساسا مش جريمه وان النية السليمه بتوفر 100 سؤال أنا كل يوم بقابل و اصاحب ناس و أنسى وساعات من نظره اعشق و ادوب من نص لمسه و أسمع بدل الحكايه اثين تلاته خمسه لكن ودا غصب عنى أنا اخر الليل وحيد بـخضع لفحص فني تنجيد كان أو حديد علشان من بكره بدري ابدأ مشوار جديد أصاحب فيه و أعشق اللي بدفتر و شنطه واللي من كلمه بيعرق واللي واقع في ورطه واللي في الكدب بيغرق و ماشي في ايده خرطه واللي كان حبه غلطه فارق قبل أما نوصل وقال علي جنب ياسطا #عفويات
