مكتوب عليا الغربة والترحال مكتوب يا قلبى .. ف البعاد سكاكين مكتوب يا وطنى اعزفك موال وف قلب قلبى الف بحر حنين مشتاق يانيل يا اسمر وزايد شوق مشتاق يا نخل يازرع يابساتين مشتاق يامصر لحضنك الطاهر مشتاق يا ازهر ياسيدة ياحسين مشتاق ياضل التوتة وقت الصهد مشتاقة روحى بجد للعنب والتين كام الف وش قابلنى ف الغربة ولا وش يشبه خالى او عمى مشتاق لحصن الدار مع اللمة وخبيز بطعم الطيبة امى مشتاق امد ايديا واسمى والضحكة طالعة تحابى ع الخدين مشتاق اشم بخورك العنبر ساعة صلاة الجمعة ف الميادين الغربة صعبة بس انا قادر اتحدى غول الغربة وارجعلك اجرى عليكى ف حضنك الطاهر تبتسمى وانتى بتحضنى ابنك تقرى الايات بالذكر ترقينى وانا بين ايديكى بشوق تضمينى فلاحة عادوا ولادها م الغربة من بعد يمكن . كام سنة غايبين يا مصر يا للى ف دمى تكوينك شايل هموم الغربة فوق كتفى حالف يا امى ف وقت ما هاجيلك اتدفى بيكى وبيا تدفى وان وقفوا ضدى الكل مش فارقة يكفانى انتى ف قلبى وف صفى محمد ابو العبادى
