من قصيدتي الجديدة (موسي النبي ) فرعون (1) فرعون كفر فرعون فجر واتلم حواليه الغجر وشيطانه لما في يوم ناداه خلاه اله خلاه غدر يقتل ويضرب في الرعاه والقلب كان زي الحجر مع ان كل الجيش معاه بيحس دايما بالخطر والكهنة بيموتوا في هواه قالوا الاله المنتظر هو اللي بايديه الحياة هو اللي بايديه القدر البحر عنده و منتهاه والطير بيشرب والشجر فرعون ياناس اصبح اله لو حب هينزل مطر الكل يتمني في رضاه والشمس وياه والقمر واحد واصبح من الطغاة مع انه واحد من البشر مخلوق ضعيف ربه ابتلاه يحكم ويامر في الحضر والبحر لما في يوم طواه موت الاله اصبح قدر مين اللي قال انك إله قال الحفاة ويا الغجر قال الحفاة ويا الغجر ************* (فرعون ) (2) فرعون ونادي في البلد هاتولي كل اللي اتولد هنسبلكم كل البنات والقتل هيكون للولد من غير كلام او من سكات واللي يخالف ينجلد انا عرشي محتاج للثبات انا عرشي اقوي من الوتد ****************** (مولد موسي) (3) ربك بيخلف في الظنون ان قال فقبل القول يكون اقرب ومن حبل الوريد دايما وعالم بالعيون لو يبتدي يقدر يعيد هو اللي عالم بالسكون هو الاحد هو المجيد في الشدة بيسد الديون موسي النبي اصبح وليد والام هيصيبها الجنون ازاي تشوفه من بعيد في اليم بيدك الحصون ومهما كان فرعون شديد فربنا يقدر يصون ويلين القلب الحديد ويمد دايما في الغصون اسية َو قالت ابننا وفي حضننا لازم يكون راح يبقي واحد مننا ولا عمره هيحاول يخون هنعوده علي طبعنا ونعلمه كل الفنون ونحطه جوه في قلبنا ويحطنا جوه العيون لو يوم كبرنا يضمنا ويمد ايده ويبقي عون فرعون ووافق رايها والقلب يملاه الظنون ربك وطمن قلبها وان قال فقبل القول يكون ان قال فقبل القول يكون
