نخ الجمل.
والأمل فخ
كان منصوب
بنتصبر بكلمه. وأمر الله غالب على مغلوب
وسرسوب من عافيه
جواها. رغم اللى. جواها
مقويها ع المكتوب
وبتعافر وبتسافر
جوه الوشوش
اللى مضت
هى مضت عهد
و قانون لتفتح عينها مهما يكون
ع الدنيا حتى لو عيون العالم
غمضت
تبدر الأرض بخطاوى
وناوى الحلم مايعديش
شايل مفيش وحرف طيش
ومن ورا شباك و شيش
حكايات وأهات مع دارويش
الجمل نخ. والعمر رخ
على فرح اللى. بعيد.
وكان بيعيد حكايه الجنة
وكفوف. وحنه وفى النهاية
كان رصاص الآهه طخ
كل حلم كان منبت
هى شبت بس شابت
عمرها مره. ماخابت
لكن خلاص. توبها داب. وهى
دابت. العمر مر
وهى اللى فكراه إنه ثابت
لو قالوا ح تغيب.
عمرها مره ما غابت
هى اللى فروعها ف السما
وجدرها ف الارض رابط
هى وتد وامتداد هى بلاد
وحكاوى.معشقة
تجيب البنت
وراها الواد نظرته متشوقة
يعيدو قصه ست الحسن
والشاطر حسن
وبالوجه الحسن
راكبين سفينة نوح
خلص البكا و النوح
واتقفلى يا حدوته
لساه بابك مفتوح
والنهايه هى واحده
بس لازم حبه الأسباب
وقطر الرحلة صفر
يله ياركاب
مفيش مفر
قلوبنا بتفرفر
مهما عشنا بردو رحله
مكتوب. ومتقدر
ولما يحين الأجل
لا شىء ح يقدم ولا يأخر
يله قطر العمر صفر
. حضر زادك واتحضر
كريمه محمد ابراهيم على
محافظه الاسماعيليه
فئه العاميه
