عن الشعر العامى قصيدة نصيحة على النوتة أنا الضعيف و رغم ضعفى .. عزيمتى حديد و لا يمكن أموت مهزوم انا الفقير لله الواثق إن زرقى عند الله مقسوم انا التائب عن أى ذنب عملته و الباكى بالأنين مكتوم انا المتوكل على الله و عارف إنى من الله مدعوم انا طاعتى لله و رسوله شغلى و بحبهم محموم انا إللى افضل لى اموت قبل ما أكون ظالم و يا بختى لو مت مظلوم يا ابن آدم جمع أد ما هتجمع كفنك مالوش جيوب و خزن و محافظ دى الناس عند ربها واحد زى سنان المشط مفيش معالى الوزير أو سيدى المحافظ اسمع منى رغم إنى مش بدى حكم و مواعظ إللى هيسعد بس هو إللى هيشفع له رسوله و يكون على دينه محافظ حكمة و خليها حلقة فى ودانك خليك دايما فاهم و حافظ إللى راح مكنش خير علشان الخير مش بيروح إللى هيعمل مثقال ذرة منه نسيم الجنة منه تفوح و إللى هيعمل ذرة شر مش هيفيده العياط و النوح و لو سترها عليك فى الدنيا إوعى تفضح سرك بنفسك و تبوح يا ابن آدم صفى الروح قبل ما الروح تروح و إلا أعمالك تبقى فى الآخره على الملأ مفضوح لو توبت توبة نصوحة؟؟؟ هتشوف سيئاتك كلام ممسوح أبواب الجنة تبقى قدامك و دخولك ليها مباح مسموح دى نصيحتى ليك ببلاش مش هقولك عل نوتة و فى الآخر .... توتة توتة خد بالك إنت جزء من الحدوتة ربنا يجعل كلامى فى ميزان حسناتى و متبقاش حكاية و ملتوتة الاسم وائل محمد نجم الدين اسم الشهرة وائل نجم الدين الجنسية مصرى رقم التواصل و الواتس آب 01221530159
