(هان الود) ليه يهون كل اللى بينا ليه تبيع عشرة سنين دا الهوا اللى كان مابنا كان يداوى المجروحين كنت بعشق صورتى لما شوفتها بعين الحنين جوه قلبى كنت ساكن نبض زايد حبتين كنت تيجى تقول حبيبتى غربيني جوه منك ألقى روحي بتحكي عنك الحكاية ف ليل سهاد رغم حيرتي..قلبي حبك وأنت سايق ف العناد ليه زمانى هان عليك! حبي ليك ماكانش صدفه كان أمل أنا شوفته فيك كنت راضيه بنظره أشوفها وألمح الضحكة ف عنيك ذيعت ليه تتر النهايه قبل ماتبدى الحكايه أوعى تيجى تقول حبيبتى ولا تتعشم فى طيبتى قصتي بدايتها عَندك والنهايه كات فى عِندك خلصت القصه الجميله لما قلبك زاد قساوته والبعاد سطَّر نهايته اللي عايزه أعرف إجابته قلبي ليه كده هان عليك !!! #فاطمه علام #
