هجرتنا إلإبتسامه
هجرتنا من سنين
فاكرها يا حبيبي
أيام ماكنا إتنين
إتنين بقلب واحد
مليان فرح وحنين ٠
لا جرح فيه بيبكي
ولا دمعه شافتها عين
٠
كنا بنام ونحلم
بيها فوق الشفايف ٠
نحلم أحلام جميله
مفيهاش ولا قلب خايف ٠
وف لحظه يا حبيبي
هجرتنا إلإبتسامه
وفاتتنا للأنين ٠
٠
ربيعنا يفوت علينا
كأنه خريف حزين
ورموش الورد دبلت
بفراق العاشقين
وعيونه من الهجر نامت
وفيها دمعتين
دمعه علي حالنا سالت
والتانيه علي الجبين ٠
تسأل عن إبتسامه
راحت منا فين
أجاوبها ياحبيبي
هجرتنا لبتسامه
وفاتتنا للأنين ٠
٠
يا حبيبي يلا نرجع
و نادي عليها ترجع
تروق الشفايف
وتونس إللي خايف
تفرد علي الكون جناحها
وتطير بينا لفوق ٠
وتقول للطير تعالي
تعالي إفرح معانا
وإنسي اللحن الحزين ٠
ويا زهر يللي نايم
إصحي وشوف الحبايب
إتقابلو ببتسامه
هجراهم من سنين
هجراهم من سنين
٠………..
كلمات / بكر بسيوني
