ط
الشعر والأدب

قصيدة : هوا فاضل فيها إيه .للشاعر/ رضا أبو شنب

قصيدتي الجديدة

هو فاضل فيها ايه

هي فاضل فيها ايه

لما تبقى الدنيا غابه

والقلوب صبحت قوية

لما تنهشنا الديابة

لما يبقى الدم ميه

يبقى فاضل فيها ايه

**********************

لما اخ يعض اخوه

لما ابن يبيع في ابوه

لما يبقى الكلب اوفي

من اللي شبعوا وجوعوه

يبقى فاضل فيها ايه

*******************

لما تبكي على اللي قهرك

تلقى خنجر جوه ضهرك

مين هيدفع يابني مهرك

أو يدور يوم عليه

يبقى فاضل فيها ايه

*********************

مين ياعم يداوي جرحك

أو هيجي في يوم يصالحك

أكلوا عيشك قبل ملحك

وانت بتدور عليه

يبقى فاضل فيها ايه

***********************

داالزمان بنلوم عليه

واحنا اوحش حاجه فيه

اللي ياكل حتى جلدك

واللي بيعك بايديه

يبقى فاضل فيها ايه

**********************

من النهاردة انا هبقي ناسي

مش هحط الناس في راسي

مهما بعمل أو بقاسي

بيقولولي عملت ايه

يبقى فاضل فيه ايه

يبقى فاضل فيها ايه

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى