ط
مسابقة الشعر العامى

قصيدة (وأهواكى) مسابقة الشعر العامى بقلم / محمد رجب السيد عبيد

محمد رجب السيد عبيد
واتس 01091752041
مصر
الاسم على الفيس
محمد رجب Mohammed Ragab
فئة الشعر العامى
وأهْواكى
ولَو هازْعلْ واغيبْ عَنّكْ
ويتْهيألى هَنْساكى
ألآقى قلْبى يخَاصِمْنى
ونَبْضْ وجودى جوّاكى
تنادينى برِمْش العين
ألآقى روحى سَمْعاكى
والآقيني خَضَار أرضِكْ
قَنايةْ مَيّة شقّاكى
جِبال طابا بتضْحَكْلى
وطور سينا ومَسْراكى
يا عَذْرا انْتِ ويّا يَسوعْ
وسَتْر المولى ويّاكى
و دير كاترين هِناكْ شاهِد
مَلايكَة بأمرُه حَمْياكى
وغَصْبِنْ عَنّى ألقانى
بَشايرْ فَرْح فى سَماكى
يناجى الروح ضِيا شَمْسِك
وهَمْسى نَبْض دُنياكى
وصوت عزْفِكْ بيطْربنى
أقول الله يا مَحْلاكى
هَدير السد يتْحَدَى
قَرارْ غاصِبْ تَحَداكى
قَناتِكْ شاهدة لِلعالم
شَباب حَفَروها بِدِماكى
واهرام للسما علْيتْ
وعِلْم بانيها علاّكى
ونيلك يحْكى للعالم
سطور مٌجْدِك وذِكْراكى
قَناديل الضِيا غٌنِتْ
تاريخ الدنيا ويّاكى
وَصَفْتِ السحر فى ربوعِك
فَداب السِحر فى هٌواكى
قصور الاقصُر فنون وتاريخ
وديرها البَحَرى خَلاّكى
مَنارة للتاريخ تشْهَدْ
فصول عِزِك وخطاكى
على رأس الحياة تحكى
مَناقِب مَجْدك الحاكى
وجيشِك مشْ سِلاح غاشَِم
دا حِصْن أمَان ومأواكى
إذا طِمع العدو فيكى
اكيد يرْجَع حَزين باكى
ولَو هَمِكْ غٌلَبْ فًَرْحِك
يخللى الهَم ينْساكى
وشعبِك حُرْ ما يطاطى
ولا عمرُه ما كان شاكىي
يا مصر انتِ وَطَن فينا
يعيش يتْغَنّي بغُناكى
ورَب الكون يصون أرضِك
وسُبحانه اللى سَواكى

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى