واحشني كتير الشاعره نجاة الجزار.خاص بالمسابقه........ اقولك ايه يانور عيني وألاقي فين كلام يتقال أعبر بيه.. علي شعوري واحساسي أعبر بيه علي حبي وأشواقي مافيش في كياني غير كلمه بقولها بشوق لاجمل حب بأقولك ايه واحشني كتير حقيقي ..حقيقي..واحشني كتير ،،،،،،،،،،،،، في بحر الحب دوامه دى واخداني وشداني لبحر غريق وانا تايهه ولا عارفه لقلبي طريق وقلبي يتوه بأحلامه وموجه تاخده وتجيبه وشوقه ينادى لحبيبه ياأجمل حب وأخر حب يابسمة عمرى حلفتك بأجمل حب راعيني واحشني كتير حقيقي..حقيقي..واحشني كتير ،،،،،،،،،،،،،،، دا انا قلبي بهمساته ودقاته بشوقه كله بينادى باأقول ياحبيبي واحشني وصورتك تبقي في النني تشاغلني وبرضه تبقي واحشني واسمك احلى الحاني وغنوه ساكنه وجداني بقلبي وحبي أرددها وبرضه تبقي واحشني ،،،،،،،،،،،، ياأجمل حب ياأخر حب بنام احلم ببسماتك وهمساتك وأصحي وانت جوايا وصورتك نائمه في عيوني تسابق عمرى واجريلك واناديلك واقولك انت احلامي في صحوى ولا في منامي وأضفر حلمي مع حلمك وأخطف لك من الفضا العالي نجوم بالحب بتلالي وأغزلك بشوق الحب تاج احلام وارسم لك في قلب التاج حمامة وقلب وجوة القلب ح اكتبلك واحشني كتير ..واحشني كتير ياأجمل حب في حياتي وأخر حب في حياتي امانه عليك تهنيني بكلمة حب دفيني واحشني كتير..واحشني كتير الشاعره نجاة الجزار مساهمة منا في مسابقة مهرجان همسة الدولي الآداب والفنون من شعر العاميه..تقبلوا احترامي من محافظة الاسكندريه.....
