#وجع ليا قرايب.. مكتوبين بالصدفة .. فى شهادة الميلاد.. جايز يكونوا بيشبهونى فى الملامح والصفات بس التشابه مش بحكم الحب والشوق والوداد كل الحكاية حبة وراثة أو جينات ليا قرايب .. مكتوبين بالصدفة.. فى شهادة الميلاد.. كل اللى بينى وبين قرايبى مناسبات يمكن فرح يمكن جنازة حد مات وبعد ما تمر المناسبة بحلوها وبمرها كل واحد مننا ياخد طريقه من سكات وتمر بخيالى صورهم والسنين ولا مره بياخدنى الحنين اصل الحنين بتخلقه الذكريات وهى فين الذكريات اللى هاتخلق فينا بعديها الحنين ليا قرايب.. مكتوبين بالصدفة.. فى شهادة الميلاد.. تسرح عينيا فى صور محشورة صدفة ع الحيطان ولا صورة منها حتى بتهز الكيان أسال بحيره ع اللي طالعين فى الصور دا جدك الغالي ودى تيته كمان يمكن تكون قابلتهم صدفه زمان يستغربوا حيرتى وهما مايعرفوش ان المحبة مش بتخلقها الصور ولا مكالمةيتيمة تيجى كل عيد الحب زى الطير زى النبات بيتروى فى كل يوم بالتضحيات مايعرفوش ان الصور ماتهمنيش ماتهزنيش اللى يهم القلب ويهزه الحنان اللى يهم القلب ويهزه السؤال اللى بيخلق فى النفوس معنى الأمان مايعرفوش انهم رغم القرابة والجينات رغم الشبه رغم الملامح والصفات عن قلبنا غربا وبعاد ليا قرايب .. مكتوبين بالصدفة .. فى شهادة الميلاد..
