قصيدة : جربت تعيش .للشاعر / شريف أنيس

جربت تعيش

ف الدنيا

مربع ناقص ضلع

جربت يزورك

ضى الشمس

ناقص له شعاع

متاخد من عمرك

حته

ومرميه بعيد

وتتوه بعينيك

عن شيئ منك

والتوهه ضياع

شجرة خرابيش

أوراقها تطير

مش لاقيه الفرع

لوحة بتتباهى

بحبة زينة

بدون تلوين

جربت تكون

تنهيدة وصوت

مقسوم نصين

افراح وشجون

ونفس مع موت

قسوة وحنين

جربت يكون

قلبك مقسوم

انصاص وارباع

فيه اللى بيسكن

ف ضلوعك

والباقى

وداع

جربت تعيش في

الدنيا مربع

ناقص ضلع

جربت تكون

كوكتيل أوجاع