ياريت نتعظ
وأنت عايش
وقت خوف وقلق
افتكر
ياما حاجات كتير
مرت عليك
واللى أحنا فيه
مجرد سحابه وهتعدى
بس محتاجه
شوية ضمير وصبر
لما نرجع بالتاريخ
كام سنه لوراء
هنفتكر
قد إيه كل حاجه بتنتهي
الحكايه مش فيرس مرض
لكن نفس محتاجه تنضف
وإنها ترجع لربها
فتش فى نفسك
شوف كل حاجه حواليك
أسئل ضميرك ليه سكت
ياريت تفصح عن نيتك
وتقولى كنت بتتمنى إيه
مش هسألك
ولا أقولك بذمتك
أنت أدري باللى فيك
ناس أتمنت لغيرها الأذي
وناس باعت للشيطان نفسها
وكانت فاكره أنه حقها
ناس بتبنى وغيرها بتهدها
ناس بتزرع أرضها
وغيرها يحرق زرعها
بيوت كانت بتستنى
لما يرجع ضناها
لكن رصاصة الغدر
صابت الأمم فى صدرها
الخرس كان محتاج جرس
أنذار شديد للعالم ينتبه
دعوة مظلوم يوم دعى
الظلم أمتي ينتهي
ده أنذار للى يوم طغي
فيرس صغير
أزعج العالم دى كلها
أغسل أيدك
من كل حاجه لوثتها
قطرات بتنقط منها
دم المظلومين
كنت سبب فى قتلها
قطرات دموع
او بكى او نحيب
الام على أبنها
والا زوجة أترملت
والا أبن أتحرم
من كلمه أب يقولها
الأثم
الذنب ..
الخطيئه
كل البشر تتحمله
وربك لازم كان يختبر
ويبتلى
لأجل الناس تفوق
وتبص فوق
يأما تحفر قبرها
وقتها تشوف
هتقول ايه لنفسها
قانون البشر
مش قانون رب السمأ
العداله لازم تاخد مجراها
لأن كل حاجه
رزقها متقسمه
بين حكام ومحكومين
وشعوب مختلفه
فى الملل والدين
قوة عظمى
أمريكا ولا صين
والا دول كانت بستقوى
ع المسلمين
قدر ربنا فى لحظه
وغمضة عين
يبدل الحال لحال
يا بشر
يا خلق
يا موحدين
عشان تتطهروا
أستغفروا
لان اللى أتنمردوا
نسيوا أنهم
مخلوقين من طين
وأننا كلنا فى حق نفسنا
مخطئين
ياريت نتعظ
ونتوب لرب العالمين
ياريت نتعظ
ونتوب لرب العالمين .
