قصيدة : يا بيي . للشاعرة / ريتا سليمان . سوريا

بُعدَك ما بطَّل رَشقْ بِمْدامع الحرمان

مِرّة يا كاس الجفا… بالوصل حلّيها

طِلّ بهزيع اليُتم مع غيبة الألوان

رشرش بعمري فرح عَ سهول ماضيها

لملمْ مواسم سهر من غفلة النسيان

و مَرجِحْ خوابي الرضا بكفوف ساقيها

ناطر بخيمة رجا… تحت الأمل سهران

تمرق طيوف الدَلَه من صوب راعيها

وبعتمة أنين الوفا عَ خدّك الريّان

تِحْدي ليالي كنت بالزجل تضويها

تسرج خوافي الحرف وتوسّع الأكوان

وحدّك خصور الندى توشّي حواشيها

تدوّبْ صليل الصبر عن جفنك الوسنان

وتقتل وشيج النِّسا… وبالغَزَلْ تحييها

جامح يا عصفة شِعر.. هِزّ الحبق تَ يبان

مسافر بغربة دفا شعلتْ قوافيها