قصيدة : يا دنيا قربينا . للشاعر / بكر بسيوني

* * * يا دنيا قربينا * * *

يا دنيا قربينا ٠٠٠

و بالحب جمعينا

دا الشوق دوب قلوبنا ٠٠

و الشوك جرح إيدينا

يا دنيا إرحمينا

و بلاش الأسوه ديه ٠٠٠

و بالحب عودي بينا

٠

يا دنيا إيه بس قصدك ٠٠

مني و من حبيبي

والله حيرني أمرك ٠٠٠

يوم تاخدي و يوم تجيبي

و ف كل مره ألاقي ٠٠٠

الجرح هوه نصيبي

م بلاش الأسوه ديه ٠٠٠

يا دنيا و إرحمينا

٠

من يوم ما بعدنا و إنتي ٠٠

قلبك آسي علينا

و ف بحرك تاهت سفينتي ٠٠

و الشط و كل مينا

يا دنيا مهما تئسي ٠٠٠

و مهما تغربينا

لسه باقيه عزيمتي ٠٠٠

و أمل لله هادينا

ع اليأس هندوس و نمشي ٠٠

لأمل شيفاه عنينا

يا دنيا بلاش تعاندي ٠٠٠

و بلاش اللعب بينا

دا أحنا بالحب عشنا ٠٠٠

و روحه لسه فينا

٠

بقلم /بكر بسيوني