……………. ينده زعيمنا ……………
…………………………………………….
الله اكبر يابلد الله اكبر
الله اكبر ع الولد الله اكبر
هانرد كيد المعتدي ،، ونهين جيوشه
لو ناوي يهدم مسجدي هايشيل نعوشه
وبلدنا داست ع المحن طول الزمن
وفيها جيشها المؤتمن طاهر وشوشه
الله اكبر يابلد الله اكبر
الله اكبر ع الولد الله اكبر
ينده زعيمنا بالمدد يلقانا قومنا
والعزم فينا بيتولد ونجافي نومنا
مكتوب على جبين الزمن نحمي الحمى
نسور وطايره في السما ع العادي زومنا
الله اكبر يابلد الله اكبر
الله اكبر ع الولد الله اكبر
إحنا الولاد زي الأسود نحمي العرين
رب العباد هو الودود هو المعين
واحنا الجنود المؤمنين هانقيدها نار
على كل هادم للجدار والغادرين
الله اكبر يابلد الله اكبر
الله اكبر ع الولد الله اكبر
وبلدنا غنوه ع الجبين واللحن غيه
ولادها سمر وعرقانين والروح عفيه
عاشوا فيها ع الكفاف وقالوا أيوا
وعدوا بيها ألف نوه وريح عتيه
الله اكبر يابلد الله اكبر
الله اكبر ع الولد الله اكبر
من صغر سني باودها واحفظ دروسها
مانا شوفت ابويا حبها وبفاسه باسها
تطرح سنابل ودها والخير يوافي
وقلبه دافي ف حضنها وف حضن ناسها
الله اكبر يابلد الله اكبر
الله اكبر ع الولد الله اكبر
وبرغم زاد النور قوي شقشق ولاح
جانا العدو جاهل غبي فارش مراح
ولما ساح دمه ونزف ودموعه ناحوا
سلم سلاحه لأهلها وقال سماح
الله اكبر يابلد الله اكبر
الله اكبر ع الولد الله اكبر
كان ناوي قال يهدم أساس البنايين
مانامش يوم ولاعمره ساس الآمنين
ليله الطويل ،، مليان عويل
ونهاره ليل من بأس ناسها المؤمنين
الله اكبر يابلد الله اكبر
الله اكبر ع الولد الله اكبر
هانرد كيد المعتدي ،، ونهين جيوشه
لو ناوي يهدم مسجدي هايشيل نعوشه
وبلدنا داست ع المحن طول الزمن
وفيها جيشها المؤتمن طاهر وشوشه
الله اكبر يابلد الله اكبر
الله اكبر ع الولد الله اكبر
………………………………………….
بقلمي الفلاح الفصيح
معوض حلمي
منشأة بطاش
تمي الأمديد
دقهلية
